පක්ෂය ගැන කළකිරුණු රංගේ බණ්ඩාර තනතුරු අතහරියි..
මාධ්ය වෙත ලිපියක් යොමු කරමින් සිය පක්ෂ සංවිධායක ධුරයෙන් ඉල්ලා අස්වන බව වාරිමාර්ග හා ජල සම්පත් කළමනාකරණ රාජ්ය අමාත්ය පාලිත රංගේ බණ්ඩාර මහතා අවධාරණය කර සිටියි. තමා දේශපාලනයට පා තැබූ දිනයේ පටන් විඳින්නට වූ විවිධ පීඩනයන්, චෝදනා සහ බලපෑම් පිළිබඳව එම ලිපියේ සදහන් කර ඇති අතර සිය ධුරයේ වැඩ කිරීමේදී පක්ෂය වෙනුවෙන් මතුවු විවිධ ගැටලු වලට තමාට තනිව මුහුණ දෙන්නට සිදු වූ බවත් පක්ෂය තමා වෙත කිසිඳු සහයෝගයක් නොදුන් බවත් එම ලිපිය තුලින් වැඩි දුරටත් සදහන් කර ඇති අතර යම් යම් අවස්ථාවන් වලදී එක්සත් ජාතික පක්ෂයේම සිටි ප්රබලයින් තමාව ඝාතනය කිරීමටද සැළසුම් කර තිබූ බව එම ලිපියේ සදහන් කර ඇත. සියලු කාරණා මුල් කරගනිමින් තමා ආණමඩුව එක්සත් ජාතික පක්ෂ සංවිධායක ධූරයෙන් ඉල්ලා අස්වීමට තීරණය කරන බව එම ලිපියේ සදහන් කර ඇත.