මැදවච්චිය සහ තලෙයිමන්නාරම අතර දුම්රිය ධාවනය දින 4 ක නවතියි..
අත්‍යාවශ්‍ය ඉදිකිරීමක් නිසා මැදවච්චිය සහ තලෙයිමන්නාරම අතර දුම්රිය ධාවන කටයුතු දින 4 ක කාලයක් තාවකාලිකව අත්හිටුවන බව දුම්රිය දෙපාර්තමේන්තු ආරංචි මාර්ග පවසා සිටියි. මැදවව්චිය සහ තලෙයිමන්නාරම අතර පාලමක් ඉදිකිරීම නිසා මෙසේ දුම්රිය ධාවනය තාවකාලිකව අත්හිටුවනු ලබන අතර ඒ අනුව ලබන 26 වනදා පෙරවරුවේ සිට මාර්තු 02 වැනිදා පස්වරු කාලය තෙක් අදාළ මාර්ගයේ දුම්රිය ධාවන කටයුතු සිදු නොවන බව එම ආරංචි මාර්ග වැඩිදුරටත් අනාවරණය කර සිටියි.
