බැසිල්ගේ යකඩ බට නඩුවට දින නියමවෙයි…
පසුගිය ජනාධිපතිවරණ සමයේ සිදු කලා යැයි පැවසෙන දූෂණ වංචාවක් සම්බන්ධයෙන් හිටපු අමාත්ය බැසිල් රාජපක්ෂ මහතාට එරෙහිව ගොනු කර තිබු නඩුව ජූනි මස 4 දින විභාගයට ගැනීමට කොළඹ මහාධිකරණය අද (23) නියෝග කර ඇත. දිවි නැගුම සංවර්ධන දෙපාර්තුමේන්තුවේ රුපියල් මිලියන 36 කට අධික මුදලක් වැයකර යකඩ බට මිල දී ගෙන පළාත් පාලන ආයතන වෙත බෙදාහැරිම හේතුවෙන් හිටපු අමාත්ය බැසිල් රාජපක්ෂ සහ දිවි නැගුම සංවර්ධන දෙපාර්තුමේන්තුවේ හිටපු අධ්යක්ෂක ජනරාල් කිත්සිරි රණවක යන අයට එරෙහිව නඩුවක් ගොනු කර තිබු අතර අද දින එම නඩුව කැදවූ අවස්ථාවේදී මහාධිකරණ විනිසුරු ඒ.ඒ.ආර්. හෙයියන්තුඩුව මහතා විසින් ජූනි මස 4 දින විභාගයට ගැනීමට කටයුතු කරන ලෙස නියෝග කර ඇත.