අගමැතිට එරෙහි විශ්වාසභංගය ගැන අද අවසන් තීරණයකට එළඹෙනවා – ඒකාබද්ධ විපක්ෂය
එක්සත් ජාතික පක්ෂ නායක, අග්‍රමාත්‍ය රනිල් වික්‍රමසිංහ මහතාට එරෙහිව ඉදිරිපත් කිරීමට නියමිතව ඇති විශ්වාසභංග යෝජනාව පිළිබදව අද (06) අවසන් තීරණයකට එළඹෙන බව ඒකාබද්ධ විපක්ෂය අවධාරණය කර සිටියි. විශ්වාසභංග යෝජනාව සම්බන්ධයෙන් ඒකාබද්ධ විපක්ෂ පාර්ලිමේන්තු කණ්ඩායම ඊයේ (05) විශේෂ සාකච්ඡාවක් ද පවත්වා ඇති අතර අදාළ තීරණය අද පෙරවරු 10.00 ට රැස්වීමට නියමිතව ඇති පාර්ලිමේන්තු කණ්ඩායම් රැස්වීමේදී ගන්නා බවද වාර්තා වේ. අග්‍රමාත්‍යවරයාට එරෙහිව කවුරුන් විසින් විශ්වාසභංග යෝජනාවක් ගෙන ආවද ඊට සාර්ථකව මුහුණ දෙන බව එක්සත් ජාතික පක්ෂය පවසා සිටියි.
