මත්පැන් අලෙවියට එරෙහිව කාන්තාවන් පාරට …
ලංකාව පුරා මත් පැන් අලෙවිය තහනම් කරන ලෙස රජයට බල කරමින් වව්නියාවේ කාන්තාවන් පිරිසක් අද (09) උද්ඝෝෂණයක නිරතවී ඇත. පැය දෙකකට ආසන්න කාලයක් වව්නියාව – මන්නාරම මාර්ගය දෙපස පෝස්ටර් ප්‍රදර්ශණය කරමින් උද්ඝෝෂණයේ නිරතවී ඇති අතර ඉන් අනතුරුව මත්පැන් භාවිතය නිසා සිදුවන හානි පිළිබදව දේශන පවත්වා ඇත. දිනෙන් දින සිදුවන අපරාධ වලට ඝෘජුවම මත්පැන් බලපාන නිසා එය නැවැත්වීමට කටයුතු කරන ලෙස ඉල්ලමින් ජනාධිපතිවරයාට සන්දේශයක් යැවීමටද කටයුතු කර ඇත.
