අර්ජුන් ඇලෝසියස් සහ පලිසේනගේ දුරකථන වාර්තා CID යට දෙන්නැයි දුරකථන සමාගම් වලට නියෝග..
හිටපු මහ බැංකු අධිපති අර්ජුන් මහේන්ද්රන් මහතාගේ බෑණා වන පර්පචුවෙල් ට්රෙෂරීස් සමාගමේ හිමිකරු අර්ජුන් ඇලෝසියස් සහ එම සමාගමේ ප්රධාන විධායක නිලධාරීයා ලෙස කටයුතු කළ කසුන් පලිසේන යන අයගේ හා සමාගම සමග සම්බන්ධතා පවත්වන ලද පුද්ගලයින්ගේ දුරකථන ඇමතුම් වාර්තා අපරාධ පරීක්ෂණ දෙපාර්තමේන්තුවට ලබාදෙන්නැයි අධිකරණය විසින් දුරකථන සමාගම්වලට නියෝග කර ඇත. මහබැංකු බැදුම්කර ගනුදෙනුව සම්බන්ධයෙන් චෝදනා එල්ල කරමින් පර්පචුවෙල් ට්රෙෂරීස් සමාගමේ හිමිකරු අර්ජුන් ඇලෝසියස් සහ එම සමාගමේ ප්රධාන විධායක නිලධාරීයා ලෙස කටයුතු කළ කසුන් පලිසේන යන අය මේ වන විට බන්ධනාගාරගතව සිටින අතර අදාළ නඩුව අද (15) විභාගයට ගත් අවස්ථාවේ කොළඹ කොටුව ප්රධාන මහෙස්ත්රාත්වරිය විසින් මෙම නියෝගය ලබාදී ඇත.