ගුරුවරුන්ට ස්ථාන මාරුවීම් ලබා දීමේදී බලධාරීන් අත්තනෝමතිකව කටයුතු කරනවා – ලංකා ගුරු සේවා සංගමය
ගුරුවරුන් හට ස්ථාන මාරුවීම් ලබාදීමේදී බලධාරීන් අත්තනෝමතිකව කටයුතු කරන බව ලංකා ගුරු සේවා සංගමය අවධාරණය කර සිටියි.ලංකා ගුරු සේවා සංගමයේ සභාපති මහින්ද ජයසිංහ මහතා පවසා සිටින්නේ ජාතික පාසල් තුළ අඛණ්ඩව වසර 10 ක සේවා කාලයක් සම්පූර්ණ කර ඇති ගුරුවරුන් හට ස්ථාන මාරුවීම් ලබාදීමේ ක්‍රමවේදය තුළින් ජාතික ගුරු මාරු ප්‍රතිපත්තිය සහ ආයතන සංග්‍රහය සම්පූර්ණයෙන්ම උල්ලංගණය වන බවයි.
මේ හේතුවෙන් එම ගුරුවරුන් දැඩි අසාධාරණයකට මෙන්ම පීඩාවකට පත්ව ඇති බවද මහින්ද ජයසිංහ මහතා තවදුරටත් පවසා සිටියි.
