මුල්ම පදක්කම ලබා දීමට චතුරංග ලක්මාල් සමත්වේ..
21 වන පොදුරාජ්ය මණ්ඩලීය ක්රීඩා උළෙලේ සමාරම්භක උළෙල ඊයේ (4) දින ගෝල්ඩ්කෝස්ට්හි කරාරේ ක්රීඩාංගණයේදී පැවැත්වීය. මෙවර ශ්රී ලංකාව නියෝජනය කරමින් බර ඉසිලීමේ තරග අපේක්ෂාවෙන් ක්රීඩක ක්රීඩිකාවෝ තිදෙනෙකු සහභාගි විය. ඒ අනුව 56 බර පංතියේ චතුරංග ලක්මාල්ද, 62 බර පංතියෙන් තිලංක විරාඡ් කුමාර සහ 48 බර පංතියෙන් දිනූෂා හංසනී ගෝමස් තරග වදිනු ඇත. ශ්රී ලංකා වේලාවෙන් අලුයම 5.10 ට ආරම්භවූ බර ඉසිලීමේ තරගයන් මෙරටට මුල්ම ලෝකඩ පදක්කම ලබා දීමට චතුරංග ලක්මාල් සමත් වී ඇත. ඔහු විසින් ඔසවන ලද මුළු බර ප්රමාණය කිලෝ ග්රෑම් 248 ක් වන අතර අනෙකුත් තරගයන් ශ්රි ලංකා වේලාවෙන් ප ව 2.10 ට සහ පෙව 9.42 ට වශයෙන් පැවැත්වීමට නියමිතව ඇත. කිලෝ ග්රෑම් 56 බර ඉසිලීමේ තරගයට අනුව රන් පදක්කම මැලේසියාවේ ඉසාර් අහමඩ් දිනාගන්නා ලද අතර රිදී පදක්කම ඉන්දියාවේ ගුරුරාජා දිනා ගැනීමට සමත්වී ඇත.