රියදුරු බලපත‍්‍රය ලබාගැනීමේ ලිඛිත විභාගය ඩිජිටල් ක‍්‍රමයට..
රියදුරු බලපත‍්‍රය ලබාගැනීම සදහා වන ලිඛිත විභාගය ලබන මැයි මස සිට ඩිජිටල් ක‍්‍රමයට පැවැත්වීමට තීරණය කර ඇති බව මෝටර් රථ ප‍්‍රවාහන දෙපාර්තමේන්තුව පවසා සිටියි. අදාළ ලිඛිත පරීක්ෂණයේදී සිදුවිය හැකි අක‍්‍රමිකතා වැළැක්වීම සහ ඉතා ඉක්මනින් විභාග ප‍්‍රතිඵල නිකුත් කිරීමට හැකිවන බැවින් මෙසේ ඩිජිටල් ක‍්‍රමයට අදාළ විභාගය පැවැත්වීමට තීරණය කළ බවත් එහි මූලික පියවර ලෙස මෝටර් රථ ප‍්‍රවාහන දෙපාර්තමේන්තුවේ වේරහැර කාර්යාලයේදී මෙම ක‍්‍රමය කි‍්‍රයාත්මක කරන බවත් මෝටර් රථ ප‍්‍රවාහන දෙපාර්තමේන්තුව වැඩිදුරටත් අනාවරණය කර සිටියි.
