අළුත් අවුරුද්දට අතිරේක බස් සහ දුම්රියන්..
විශේෂ බස් සහ දුම්රිය සේවාවක් මේ වන විට ක්‍රියාත්මක කර ඇති බව ප්‍රවාහන අමාත්‍යංශය අනාවරණය කර සිටියි. සිංහල හින්දු නව අවුරුදු උත්සවය හේතුවෙන් ගම් බිම් බලා ගමන් කරන ජනතාවගේ පහසුව උදෙසා මෙම නව ප්‍රවාහන සේවාව ක්‍රියාත්මක කරන බව ද එම ආරංචි මාර්ග වැඩිදුරටත් පවසා සිටියි. ඒ අනුව කොළඹ මධ්‍යම බස් නැවතුම්පළ සිට අමතර බස් රථ 2000 ක් පමණ ධාවනයට එක්කිරීමට කටයුතු යොදා ඇති අතර ලබන 15 වන දින තෙක් එම බස්රථ ධාවනයේ යෙදවීමට නියමිතව ඇත.
එමෙන්ම ප්‍රවාහන සේවා කාර්යක්ෂම කිරීම සදහා අතිරේක දුම්රියන් කිහිපයක් ද ධාවනයට එක්කර ඇති බව දුම්රිය දෙපාර්තමේන්තු ආරංචි මාර්ග පවසා සිටියි.
