මහින්දානන්ද අත්අඩංගුවට..
මූල්‍ය අක්‍රමිකතාවයක් සම්බන්ධයෙන් ප්‍රකාශයක් ලබාදීම සදහා අද (16) උදෑසන පොලිස් මූල්‍ය අපරාධ කොට්ඨාශය වෙත පැමිණි හිටපු අමාත්‍ය, පාර්ලිමේන්තු මන්ත්‍රී මහින්දානන්ද අලුත්ගමගේ මහතා අත්අඩංගුවට ගෙන ඇති බව වාර්තා වේ. පසුගිය රජයේ ක්‍රිඩා අමාත්‍යවරයා ලෙස කටයුතු කළ සමයේ කැරම් බෝඩ් ආනයනය කිරීමේදී සිදුව ඇති බව පැවසෙන රුපියල් මිලියන 39 ක මුදල් වංචාවක් සම්බන්ධයෙන් ප්‍රකාශයක් ලබාදීම සදහා මහින්දානන්ද අලුත්ගමගේ මහතා අද උදෑසන පොලිස් මූල්‍ය අපරාධ කොට්ඨාශය වෙත පැමිණි අතර අදාළ ප්‍රකාශය ලබාදීමෙන් පසු ඔහුව අත්අඩංගුවට ගත්බව පොලිස් ආරංචි මාර්ග පවසා සිටියි.
