ඌව පළාත් ප්‍රධාන අමාත්‍යවරයාට යළි පළාත් අධ්‍යාපන අමාත්‍ය ධුරය ලබාදීලා, අඛණ්ඩ විරෝධතා පවත්වනවා – ලංකා ගුරු සේවා සංගමය
ඌව පළාත් ප්‍රධාන අමාත්‍යවරයාට පළාත් අධ්‍යාපන අමාත්‍ය ධුරය ලබාදීමට විරෝධය පළකරමින් අඛණ්ඩ විරෝධතා ක්‍රියාමාර්ග දියත් කරන බව ලංකා ගුරු සේවා සංගමය අවධාරණය කර සිටියි. විදුහල්පතිනියක දණ ගැස්‌සවීමේ චෝදනාව මත ඌව පළාත් ප්‍රධාන අමාත්‍ය චාමර සම්පත් දසනායක මහතා එම පළාත් අධ්‍යාපන අමාත්‍යධූරයෙන් ඉවත් කළ අතර යළිත් ඒ මහතා එම අධ්‍යාපන අමාත්‍යධූරයේ පිහිටුවීම නිසා මෙසේ විරෝධතා දියත් කරන බව එම සංගමය තවදුරටත් අනාවරණය කර සිටියි. විදුහල්පතිනියක දණ ගැස්‌සවීමේ චෝදනාව මත ප්‍රධාන අමාත්‍යවරයා සතුව පවැති පළාත් අධ්‍යාපන අමාත්‍යධූරය ඉවත් කිරීමට ජනාධිපතිවරයා විසින් පියවර ගැනීම ජනතාව රැවටීම සදහා සිදුකරන ලද්දක් දැයි සැකයක් මතුවන බව ද ලංකා ගුරු සේවා සංගමය වැඩිදුරටත් කරුණු දක්වමින් පවසා සිටින ලදී.
