පොදු රාජ්‍ය මණ්ඩලයේ මීළඟ නායකයා ලෙස එළිසබෙත් මහ රැජිනගෙන් පසු එතුමියගේ පුතුට හිමිවන ලකුණු…
පොදු රාජ්‍ය මණ්ඩලයේ මීළඟ නායකයා ලෙස බ්‍රිතාන්‍යයේ දෙවැනි එළිසබෙත් මහ රැජිනගේ පුත් චාල්ස් කුමරු පත් කිරීමට එම මණ්ඩලයේ සාමාජික රටවල රාජ්‍ය නායකයන් එකඟත්වය පළ කර ඇති බව බ්‍රිතාන්‍යය මාධ්‍ය වාර්තා කරයි. කෙසේවෙතත් පොදු රාජ්‍ය මණ්ඩලයේ ප්‍රධානී තනතුරු උරුමයෙන් පැවරෙන්නක් නොවන අතර එම තනතුර චාල්ස් කුමරුට සාම්ප්‍රධායිකව හිමිවන්නේද නැත. මෙම තනතුර මීළගට හිමිවන්නේ කාහටද යන්න පිළිබදව ලන්ඩනයට පැමිණ සිටින එම මණ්ඩලයේ සාමාජික රටවල නායකයන් වින්ඩ්සර් මාළිගයේ දී සාකච්ඡාද පවත්වා ඇති බව වාර්තාවේ. එළිසබෙත් මහ රැජිනගෙන් පසු එතුමියගේ පුත් චාල්ස් කුමරුට එම මණ්ඩලයේ ප්‍රධානී තනතුර පිරිනැමීමට සහාය දක්වමින් බ්‍රිතාන්‍ය අගමැතිනි තෙරේසා මේ සහ කැනඩා අගමැති ජස්ටින් ටෲඩෝද මීට පෙර අවස්ථා කිහිපයකදීම අදහස් දක්වා ඇත. තමන්ගෙන් පසු එම ධුරයේ වගකීම් තම පුත් චාල්ස් කුමරු භාරගෙන වගකීමෙන් කටයුතු කරනු දැකීම තම එකම බලාපොරොත්තුව බවද මහ රැජින මාධ්‍ය වෙත අදහස් දක්වා ඇත.
