ක්රීඩාංගණයක් නොදුන්නොත් මහ පාරේ හෝ මැයි දිනය සමරනවා – පෙරටුගාමී සමාජවාදී පක්ෂය
ලබන මැයි මස පළමුවනදා මහ පාරේ හෝ මැයි රැලිය පවත්වන බව පෙරටුගාමී සමාජවාදී පක්ෂය අවධාරණය කර සිටියි. පක්‍ෂ ප්‍රචාරක ලේකම් පුබුදු ජයගොඩ මහතා වැඩිදුරටත් පවසා සිටින්නේ මැයි 01 වැනිදාට යෙදී ඇති ජාත්‍යන්තර කම්කරු දිනය සැමරීම සදහා ආණ්ඩුව පක්ෂයට ක්රීඩාංගණයක් ලබා දී නොමැති බවයි. කම්කරු දිනය මැයි 01 වැනිදා නොපවත්වා මැයි මස 07 වන දින පැවැත්වීමට ආණ්ඩුව විසින් තීරණය කර තිබුන ද එම තීරණයට එකග නොවී මැයි පළමුවැනිදාම පක්ෂයේ මැයි දින රැළිය පවත්වන බවත් ඒ සදහා ක්රීඩාංගණයක් ලබාදෙන ලෙස කොළඹ මහ නගර සභාවෙන් කරන ලද ඉල්ලීම ප්‍රතික්ෂේප වී ඇති බවත් පුබුදු ජයගොඩ මහතා තවදුරටත් පවසා සිටියි.
