උක් අභිජනන ද්රව්ය හුවමාරුව සදහා ලංකාව – පකිස්ථානය අතර ගිවිසුමකට ….
මෙරට උක් වගාව වර්ධනය කිරීමේ අරමුණින් පාකිස්ථානය සහ ලංකාව අතර ගිවිසුමක් අත්සන් කිරීමට කැබිනට් අනුමැතිය හිමිව තිබේ. එම ගිවිසුම අත්සන් කිරීම තුළින් උක් අභිජනන ද්රව්ය හුවමාරු කර ගැනීම, නවීන අභිජනන ක්රම භාවිතයෙන් උක් ශාකය වැඩිදියුණූ කිරීම, ලංකාවේ තරුණ කෘෂි විද්යාඥයින් පුහුණ කිරීම සහ පකිස්ථානයේ කෘෂි විද්යාඥයින් සමඟ ඒකාබද්ධ පර්යේෂණවල නියැලීමට ද අවස්ථාව හිමි වෙයි. 2010 වසරේ දී පකිස්ථානයේ කෘෂිකර්ම පර්යේෂණ ආයතන 3ක් හා ශ්රී ලංකාවේ උක් පර්යේෂණ ආයතනය අතර ඇති කර ගන්නා ලද සහයෝගීතාවක් යටතේ මෙය සිදු කිරීමට බලාපොරොත්තු වන බව වැවිලි කර්මාන්ත අමාත්ය නවීන් දිසානායක මහතා සදහන් කරයි.