උප නායකයා ලෙස රවී පත්කළාට විරෝධය, හිටපු අමාත්ය ජෝශප් මයිකල් පෙරේරා කෘත්යාධීකාරි මණ්ඩලයෙන් අස්වෙයි..
එක්සත් ජාතික පක්ෂයේ උප නායක තනතුරට හිටපු අමාත්ය, පාර්ලිමේන්තු මන්ත්රී රවී කරුණානායක මහතා පත්කිරීම සම්බන්ධයෙන් පක්ෂයේ කෘත්යාධීකාරි මණ්ඩලයේදී විරෝධය පළවී ඇති බව වාර්තා වේ. ඒ අනුව අදාළ පත්කිරිමට විරෝධය පළ කරමින් හිටපු අමාත්ය ජෝශප් මයිකල් පෙරේරා මහතා පක්ෂ කෘත්යාධීකාරි මණ්ඩලයෙන් ඉල්ලා අස්වී ඇත.
අද (26) උදෑසනදී එක්සත් ජාතික පක්ෂයේ කෘත්යාධිකාරි මණ්ඩලය රැස්වූ අතර පක්ෂයේ උප නායක තනතුරට රවී කරුණානායක මහතා පත්කිරීම සම්බන්ධයෙන් සිය විරෝධය පළකර හිටපු අමාත්ය ජෝශප් මයිකල් පෙරේරා මහතා එම රැස්වීමෙන් පිටව ගොස් ඇත.