උඩරට දුම්රිය මාර්ගයේ පීලි පැනීමක්, දුම්රිය ධාවනය සීමා වෙයි..
අද (27) අළුයම් කාලයේ සිදුවූ දුම්රිය පීලිපැනීමක් නිසා උඩරට මාර්ගයේ දුම්රිය ධාවනයට බාධා එල්ල වී ඇති බව වාර්තා වේ. බදුල්ල සහ කොළඹ කොටුව අතර ධාවනය වන රාතී‍්‍ර තැපැල් දුම්රිය නාවලපිටිය සහ උලපනේ අතර ප‍්‍රදේශයකදී පීලිපැනීම නිසා කොළඹ, බදුල්ල මාර්ගයේ දුම්රිය ධාවනය ගම්පොළ දක්වා ද බදුල්ල කොළඹ මාර්ගයේ දුම්රිය ධාවනය නාවලපිටිය දක්වාද සීමා වී ඇති බව දුම්රිය දෙපාර්තමේන්තුව අනාවරණය කර සිටියි. දුම්රිය මාර්ගය යථා තත්ත්වයට පත්කිරීම සදහා අවශ්‍ය කටයුතු මේ වන විට සිදුකෙරෙමින් පවතින බවද එම ආරංචි මාර්ග තවදුරටත් පවසා සිටියි.
