අද රාත්‍රියේ සිට ඉන්ධන මිල ඉහලට …
අද (10) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල ගණන් ඉහළ දමා ඇත. අද පැවති කැබිනට් තීරණ දැනුම් දිමේ මාධ්‍ය හමුවට එක්වෙමින් අමාත්‍ය රාජිත සේනාරත්න මහතා මේ බව අවධාරණය කරන ලදි. ඒ අනුව අද මධ්‍යම රාත්‍රියේ සිට ඔක්ටේන් 92 වර්ගයේ පෙට්‍රල් ලීටරයක් රුපියල් 137ද, ඔක්ටේන් 95 වර්ගයේ පෙට්‍රල් ලීටරයක් රුපියල් 148ද, සුපර් ඩීසල් ලීටරයක් රුපියල් 119ද, ඔටෝ ඩීසල් ලීටරයක් රුපියල් 109ද, භූමිතෙල් ලීටරයක මිල රුපියල් 101 ක් දක්වාද ඉහළ දමා ඇත. ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ජනාධිපති නිල නිවසේ ඊයේ (9) පැවති ඇමැතිවරුන්ගේ විශේෂ සාකච්ඡාවක දී ඉන්ධන මිල ඉහල දැමීමට තීරණය කල අතර එහිදී ධීවරයන්ට සහ සමෘද්ධීලාභීන් සඳහා භුමිතෙල් සහන මිලට සැපයීමටද තීරණය වී ඇතැයි වාර්තා වේ.
