රාජ්‍ය දැව සංස්‌ථාවට ශාන්ත බණ්‌ඩාර..
මෙතෙක් පුරප්පාඩුව තිබූ රාජ්‍ය දැව සංස්‌ථාවේ සභාපති තනතුර සදහා හිටපු පාර්ලිමේන්තු මන්ත්‍රී ශාන්ත බණ්‌ඩාර මහතා පත්කර ඇති බව වාර්තා වේ. ජනාධිපති මෛත්‍රිපාල සිරිසේන මහතා විසින් ජනාධිපති නිල නිවසේදී ඊයේ (11) දහවල් මෙම පත්කිරීමට අදාළ ලිපිය ලබාදී තිබේ. මීට පෙර මෙම තනතුර දරණ ලද පී. දිසානායක මහතා, අල්ලස්‌ ගැනීමේ සිද්ධියක් සම්බන්ධයෙන් චෝදනා කරමින් පසුගිය 03 වනදා අල්ලස්‌ හෝ දූෂණ විමර්ශන නිලධාරීන් විසින් අත්අඩංගුවට ගන්නා ලද අතර පුරප්පාඩුවූ එම තනතුරට අනුරුද්ධ පොල්ගම්පොළ මහතා පත්කිරීමට ජනාධිපතිවරයා විසින් කටයුතු කරන ලදී. කෙසේ වෙතත් පොල්ගම්පල මහතාට මෙම තනතුර ලබාදීම සම්බන්ධයෙන් විවිධ පාර්ශ්ව මගින් ද චෝදනා එල්ලවීම නිසා ඔහුව එම තනතුරින් ඉවත් කිරීමට කටයුතු කරන ලදී.
