වැඩිවීම ප්‍රමාණවත් නෑ, අද මධ්‍යම රාත්‍රියෙන් පසු වර්ජනයක්, බස් සමාගම් තීරණය කරයි..
කැබිනට් අනුමැතිය යටතේ සිදුකරන ලද බස් ගාස්තු සංශෝධනය තමන් පිළිනොගන්නා බවත් ඊට විරෝධය පළකරමින් අද (16) මාධ්‍යම රාත්‍රියේ සිට වර්ජන ක්‍රියාමාර්ගයකට අවතීර්ණ වන බව පුද්ගලික බස් සංගම් අවධාරණය කර සිටියි. ලංකා පෞද්ගලික බස් හිමියන්ගේ සංගමය, සමස්‌ත ලංකා පෞද්ගලික බස් සම්මේලනය සහ අන්තර් පළාත් පෞද්ගලික බස් සංගමය යන බස් සංගම් මෙම වර්ජනය දියත් කිරීමට තීරණය කර තිබේ.
6.56% ක වැඩි වීමක් සදහා කැබිනට් අනුමැතිය හිමිවී ඇති අතර ඉන්ධන මිල ඉහළ යාම ඇතුළු විවිධ හේතූන් මත මෙම වැඩිවීම කිසිසේත්ම ප්‍රමාණවත් නොවන බැවින් 15% ක ගාස්තු වැඩිවීමක් අත්‍යාවශ්‍ය බව එම බස් සමාගම් වැඩිදුරටත් පවසා සිටියි.
