ජාතික රණවිරු සැමරුම් උත්සවය අද..
තිස් වසරක අමිහිරි යුද්ධය අවසන් කළ අභීත රණවිරුවන් සමරන ජාතික රණවිරු සැමරුම් උත්සවය අද (19) සවස පාර්ලිමේන්තු ක්‍රීඩාංගණයේදී පැවැත්වීමට නියමිතව ඇත. ඒ එම ක්‍රීඩාංගණයේ ඉදිකර ඇති රණවිරු ස්‌මාරකය අබියසදී ජනාධිපති මෛත්‍රීපාල සිරිසේන අග්‍රාමාත්‍ය රනිල් වික්‍රමසිංහ යන මහත්වරුන්ගේ ප්‍රධානත්වයෙනි. ජාතික රණවිරු සැමරුම් උත්සවය සදහා ත්‍රිවිධ හමුදා සහ පොලිසියේ 400 ක පිරිසක් සහභාගි වීමට නියමිතව ඇති අතර යුද්ධයෙන් මියගිය සහ ආබාධිත තත්ත්වයට පත්වූ රණවිරුවන් වෙනුවෙන් සර්ව ආගමික වාතාවත්ද සිදුකිරීමට කටයුතු යොදා ඇත.
