ජ්යෙෂ්ඨ මාධ්යවේදී උපාලි තෙන්නකෝන්ට පහරදීම, නඩුවට නොපැමිණි හමුදා මේජර්ට වරෙන්තු..
2009 වසරේ ජනවාරි මස ගම්පහ ඉඹුල්ගොඩ ප්රදේශයේදී ජ්යෙෂ්ඨ මාධ්යවේදී උපාලි තෙන්නකෝන් මහතාට පහරදීමේ සිද්ධිය සම්බන්ධයෙන් වන නඩු විභාගයට පෙනී නොසිටි යුද හමුදා මේජර්වරයාට අධිකරණය විසින් වරෙන්තු නිකුත් කර ඇති බව වාර්තා වේ. අදාළ නඩුව වභාගයට ගනිමින් ගම්පහ මහෙස්ත්රාත් අධිකරණය විසින් මෙසේ වරෙන්තු නිකුත් කර තිබේ. මෙම මේජර්වරයා ජ්යෙෂ්ඨ මාධ්යවේදී උපාලි තෙන්නකෝන් මහතාට සහ ඒ මහතාගේ බිරිඳට පහරදීමේ සිද්ධිය සම්බන්ධයෙන් වන නඩුවේ දෙවැනි සැකකරු වන අතර අනෙකුත් සැකකාර හමුදා සාමාජිකයන් 06 දෙනා ඊයේ අධිකරණය හමුවේ පෙනී සිටින ලදී. නඩුව යළි ලබන ජුලි 20 වනදා විභාගයට ගැනීමට නියමිතව ඇත.