වැස්ස නිසා ”කොළඹ මුද්දර දැක්ම” කල්යයි..
මැයි මස 25,26 සහ 27 යන තෙදින තුළ කොළඹ, තැපැල් මූලස්ථානයේදී පැවැත්වීමට නියමිතව තිබූ මුද්දර අලෙවි පොළ කල්දැමීමට තීරණය කළ බව තැපැල් දෙපාර්තමේන්තුව පවසා සිටියි. මේ වන විට දිවයිනට බලපා ඇති අයහපත් කාලගුණ තත්ත්වය මත මුද්දර අලෙවි පොළ කල්දමා ඇති අතර එය ලබන ජූනි මස 29, 30 සහ ජූලි 01 වනදා යන තෙදින උදෑසන 09.00 සිට සවස 06.00 දක්වා පැවැත්වීමට තීරණය කර ඇත. ”කොළඹ මුද්දර දැක්ම” ලෙස මෙම මුද්දර අලෙවි පොළ නම් කර තිබේ.
