ටෙලිනාට්ය නිර්මාණ අලෙවියේදී අය කිරීමට යෝජනා වූ 14% ක රඳවා ගැනීමේ බද්ද ජනපති නියමයෙන් අහෝසියි..
නව බදු ප්රතිපත්තිය තුළින් මෙරට සිනමාව සහ ටෙලිනාට්ය ඇතුළු කලා ක්ෂේත්රයන්ට යම් ගැටළුකාරී තත්ත්වයක් උද්ගත වන්නේ නම් ඊට විසදුම් ලබාදීමට කටයුතු කරන බව ජනාධිපති මෛත්රීපාල සිරිසේන මහතා ඊයේ (06) කලාකරුවන් හමුවේ අවධාරණය කර ඇත.සිනමාව, ටෙලිනාට්ය ඇතුළු කලා ක්ෂේත්රයන්හි නියෝජිතයින් මෙන්ම ප්රවීණ කලාකරුවන් පිරිසක් සමඟ ජනාධිපති කාර්යාලයේ පැවැති සාකච්ඡාවකදී ජනාධිපතිවරයා ඉහත අදහස් පළකර ඇත. එමෙන්ම ටෙලිනාට්ය නිර්මාණ අලෙවියේදී ක්රියාත්මක කිරීමට යෝජනා වී තිබෙන 14% ක රඳවා ගැනීමේ බද්ද අය නොකරන්නැයි ජනාධිපතිවරයා විසින් මුදල් අමාත්ය මංගල සමරවීර මහතාට පවසා ඇත.