අගමැතිගේ අවශ්‍යතාවයට ජනතා විමුක්ති පෙරමුණ ගෙන ආ 20 වන ආණ්ඩුක්‍රම ව්‍යවස්ථා සංශෝධනයට එකඟ වන්නේ නෑ – පාර්ලිමේන්තු මන්ත්‍රී ප්‍රසන්න රණතුංග
විධායක ජනාධිපති ක්‍රමය අහෝසි කළ යුතුය යන මතයේ සිටියද ජනතා විමුක්ති පෙරමුණ විසින් ගෙන එන ලද 20 වන ආණ්ඩුක්‍රම ව්‍යවස්ථා සංශෝධනයට එකඟ නොවන බව පාර්ලිමේන්තු මන්ත්‍රී ප්‍රසන්න රණතුංග මහතා අවධාරණය කර සිටියි. ජනතා විමුක්ති පෙරමුණ, මෙම රටට නොගැළපෙන යෝජනාවලිය ඉදිරිපත්කරන ලද්දේ හුදෙක් අග්‍රාමාත්‍ය රනිල් වික්‍රමසිංහ මහතාගේ අවශ්‍යතාවය මත බවද ඒ මහතා තවදුරටත් පවසා සිටියි. හිටපු ජනාධිපති මහින්ද රාජපක්ෂ මහතාගේ නායකත්වය හෝ වත්මන් ජනාධිපතිවරයාගේ නායකත්වය යන දෙකෙන් එකක් තෝරාගැනීමට පසුගියදා ආණ්ඩුවෙන් ඉවත්වීමට කටයුතු කළ පාර්ලිමේන්තු මන්ත්‍රීවරුන් 16 දෙනා තීරණයකට එළඹිය යුතු බව ද රණතුංග මහතා තවදුරටත් පවසා සිටියි.
