ලක්ෂ 50 ක් නීති විරෝධීව ලබාදීම, ආචාර්ය නාලක ගොඩහේවා ඇතුළු තිදෙනාට එරෙහි නඩුව කල්යයි..
ශ්රී ලංකා විනිමය හා සුරැකුම් කොමිසමට අයත් මුදලක් නීතිවිරෝධී ලෙස ලබාදුන්බවට චෝදනා කරමින් හිටපු සභාපති ආචාර්ය නාලක ගොඩහේවා මහතා ඇතුළු තිදෙනෙකුට එරෙහිව ගොනුකර ඇති නඩු විභාගය ලබන ඔක්තෝම්බර් 16 වනදා තෙක් කල්තැබීමට අධිකරණය තීරණය කර ඇත. අදාළ නඩුව විභාගයට ගනිමින් කොළඹ මහාධිකරණය විසින් අද (11) මෙම නියෝගය සිදුකරන ලදී. ශ්රී ලංකා විනිමය හා සුරැකුම් කොමිසමට අයත් රුපියල් ලක්ෂ 50 ක මුදලක් පාර්ලිමේන්තු මන්ත්රී නාමල් රාජපක්ෂ මහතා යටතේ ක්රියාත්මක කරන ලද “තාරුණ්යට හෙටක්” සංවිධානය නීති විරෝධි ලෙස ලබාදීම සම්බන්ධයෙන් පොදු දේපළ පනත යටතේ මෙම නඩුව පවරා තිබේ.