විශේෂ දීමනාව නොගෙවීම, පරිපාලන නිලධාරීන් සහ විෂය භාර අමාත්‍යවරයා අතර අද සාකච්ඡාවක්..
පරිපාලන සේවා නිලධාරීන්ට හිමිවිය යුතු විශේෂ දීමනාව ලබා නොදීමට විරෝධය පළ කරමින් රාජ්‍ය පරිපාලන සංගමය අද (14) කොළඹ ස්වදේශ කටයුතු හා පරිපාලන අමාත්‍යංශය ඉදිරිපිටදී විරෝධතාවයක් පවත්වන ලදී. කෙසේ වෙතත් මෙම ගැටළුකාරී තත්ත්වය සම්බන්ධයෙන් විෂය භාර අමාත්‍යවරයා සමඟ අද (14) පස්වරුවේ විශේෂිත සාකච්ඡාවක් පැවැත්වීමට නියමිතව ඇති බවත් එම සංගමය අනාවරණය කර සිටියි. මෙම සාකච්ඡාවෙන් පසුවද තමන්ට සෑහීමකට පත්විය හැකි විසදුමක් නොලැබුනහොත් ඉදිරි ක්‍රියාමාර්ග සම්බන්ධයෙන් යම් තීරණයකට එළඹෙන බවත් රාජ්‍ය පරිපාලන සංගමය තවදුරටත් අවධාරණය කර සිටියි.
