දෙවන ටෙස්ට් තරගය ජය පරාජයෙන් තොරව අවසන් වෙයි..
සංචාරක ශී‍්‍ර ලංකා කණ්ඩායම සහ බටහිර ඉන්දීය කොදෙව් කණ්ඩායම අතර පැවැති දෙවන ටෙස්ට් කි‍්‍රකට් තරගය ජය පරාජයෙන් තොරව අවසන් විය. ශී‍්‍ර ලංකා කණ්ඩායම සිය පළමු ඉනිම වෙනුවෙන් ලකුණු 253 ක් ලබාගත් අතර බටහිර ඉන්දීය කොදෙව් කණ්ඩායම පළමු ඉනිම සඳහා ලකුණු 300 ක් ලබාගන්නා ලදී. දෙවන ඉනිම වෙනුවෙන් පන්දුවට පහරදුන් ශ්‍රී ලංකා කණ්ඩායම සියළුදෙනා දැවී ලකුණු 342 ක් ලබාගන්නා ලදී. ලකුණු 296 ක් සිය ජයග‍්‍රහණය වෙනුවෙන් ලබාගැනීමේ අරමුණ ඇතිව පිටියට පිවිසි කොදෙව්වන් ඊයේ (19) දිනය නිමාවන කඩුළු 05 ක් දැවී ලකුණු 147 ක් රැස්කර ගන්නා ලදී. ඒ අනුව 1-0 ක් ලෙස කොදෙව් කණ්ඩායම මේ වන විට ඉදිරියෙන් සිටින අතර තරගාවලියේ තුන්වන සහ අවසන් තරගය ලබන 23 වැනිදා ආරම්භ වේ.
