සෞඛ්ය අමාත්යවරයාගේ අත්තනෝමතික තීරණයක් මත ජ’පුර රෝහලේ අධ්යක්ෂ ධූරයට නුසුදුස්සෙක් පත්කරලා – සමස්ත ලංකා සුවසේවා සංගමය
සෞඛ්ය අමාත්ය රාජිත සේනාරත්න මහතාගේ අත්තනෝමතික තීරණයක් මත ශ්රී ජයවර්ධනපුර රෝහලේ අධ්යක්ෂවරයා ලෙස එම තනතුර සදහා සුදුසුකමක් නොමැති සාමාන්ය වෛද්යවරයෙකු පත්කර ඇති බව සමස්ත ලංකා සුවසේවා සංගමය චෝදනා කර සිටියි. අද (20) කොළඹදී පැවති මාධ්ය හමුවකදී එම සංගමයේ සභාපති සමන්ත කෝරළේආරච්චි මහතා විසින් මෙම අදහස් පළකරන ලදී. මෙහිදී වැඩිදුරටත් සිය අදහස් දක්වමින් සමන්ත කෝරළේආරච්චි මහතා වැඩිදුරටත් පවසා සිටියේ මෙම තීරණය හේතුවෙන් ශ්රී ජයවර්ධනපුර රෝහලේ පරිපාලන කටයුතු වලට දැඩි බලපෑමක් එල්ල වී ඇති බවයි. මෙම අධ්යක්ෂවරයාගේ ධුර කාලය තුළ රෝහලේ විශාල ලෙස දූෂණ, වංචා රැසක් සිදුවී ඇති බවද සමන්ත කෝරළේආරච්චි මහතා තවදුරටත් පවසා සිටින ලදී.
මෙම මාධ්ය හමුව සදහා සමස්ත ලංකා සුවසේවා සංගමයේ ප්රධාන ලේකම් මහින්ද ගුරුගේ සහ උප ලේකම් චන්දන ජයලත් යන මහත්වරුන්ද සහභාගි විය.