අද සාකච්ඡාවෙනුත් විසදුමක් නැත්තම් වර්ජනය අඛණ්ඩව, එ්කාබද්ධ තැපැල් වෘත්තීය සමිති එකමුතුව අනතුරු අගවයි..
තැපැල් වෘත්තීය සමිති නියෝජිතයින් සහ තැපැල් අමාත්‍යංශ ලේකම්වරයා අතර අද (21) දිනයේදී තවත් විශේෂ සාකච්ඡාවක් පැවැත්වීමට නියමිතව ඇති බව වාර්තා වේ. තැපැල් සේවකයින් මුහුණ දී අැති සේවා ගැටළු කිහිපයක් සම්බන්ධයෙන් විසදුම් ලබාගැනීම අරමුණු කරගනිමින් මෙම සාකච්ඡාව පවත්වන අතර අදාළ ගැටළු මූලික කරගනිමින් එ්කාබද්ධ තැපැල් වෘත්තීය සමිති එකමුතුව විසින් මේ වන විට අඛණ්ඩ වර්ජනයක්ද ආරම්භ කර ඇත. අදාළ ගැටළු සම්බන්ධයෙන් ඊයේ (20) දිනයේදීත් සාකච්ඡාවක් පවත්වන ලද අතර රඑම සාකච්ඡාව අසාර්ථක වූ බවත් අද පැවැත්වෙන සාකච්ඡාවෙන්ද පිලිගත හැකි විසදුමක් නොලැබුනහොත් වර්ජනය අඛණ්ඩව පවත්වන බවට එ්කාබද්ධ තැපැල් වෘත්තීය සමිති එකමුතුව අනතුරු අගවා සිටියි.
