තැපැල් ගාස්තු ඉහළට..
තැපැල් ගාස්තු ඉහළ දැමීම සම්බන්ධ අති විශේෂ ගැසට්‌ පත්‍රය පසුගිය 20 වනදා පාර්ලිමේන්තුවට ඉදිරිපත් කර ඇති බව වාර්තා වේ. මෙම වැඩිවීම අනුව සාමාන්‍ය ලිපි සහ ලියාපදිංචි තැපැල් සේවාව රුපියල් පහකින් ඉහළ දමා තිබේ. කෙසේ වෙතත් ව්‍යාපාරික ලිපි සඳහා වන ගාස්‌තුව ඉහළ දැමීමක් සිදුකර නැත. අදාළ සංශෝධනයන්ට අනුව තැපැල් පතක මිල රුපියල් 8.00 ක සිට රුපියල් 10 දක්‌වාත් කුඩා සහ විශාල මුද්දර කවර මිලද පිළිවෙලින් රුපියල් 18.00 ක්‌ සහ 20.00 ක්‌ ලෙස ඉහළ ගොස් තිබේ. ටෙලි මේල් සේවාවේ පළමු වචන 10 සඳහා වන ගාස්තු රුපියල් විස්‌සේ සිට රුපියල් තිහ දක්‌වාද ඉහළ දමා තිබේ.
