වාලම්පුරියක් අලෙවි කිරීමට උත්සහ කළ පුද්ගලයින් 07 පොලිස් දැලේ..
වාලම්පුරියක් අලෙවි කිරීමට කටයුතු කරමින් සිටි පුද්ගලයින් 07 දෙනෙකු පොලිස් අත්අඩංගුවට පත්ව ඇති බව වාර්තා වේ. කුරුණෑගල, මල්කඩුවාව ප්රදේශයේදී මෙම පිරිස අත්අඩංගුවට ගෙන ඇත. කුරුණෑගල කොට්ඨාස නීතිය බලගැන්විමේ ඒකකයට ලැබුනු තොරතුරක් මත සිදු කරන ලද වැටලීමකදී මෙම සැකකරුවන් අත්අඩංගුවට පත්ව ඇත. අදාළ පිරිස අද (29) කුරුණෑගල මහේස්ත්රාත් අධිකරණයට ඉදිරිපත් කිරිමට නියමිතව ඇත.