ඒකාබද්ධයට සහය දෙනවාද? නැද්ද?, අවසන් තීරණය ගන්න 16 කණ්ඩායම හෙට විශේෂ හමුවක..
පසුගියදා ආණ්ඩුවෙන් ඉවත්වූ ශ්‍රී ලංකා නිදහස්‌ පක්‌ෂයේ 16 කණ්ඩායම හෙට (01) විශේෂ හමුවක් පැවැත්වීමට කටයුතු යොදා ඇත. එහිදී තම කණ්ඩායම ඒකාබද්ධ විපක්ෂයට එක්‌වීම පිළිබදව අවසන් තීරණයකට එළඹීමට නියමිතව ඇති බව එම ආරංචි මාර්ග අනාවරණය කර සිටියි. ලබන සදුදා (02) පැවැත්වීමට නියමිතව ඇති ඒකාබද්ධ විපක්‌ෂ මන්ත්‍රී කණ්‌ඩායමේ රැස්‌වීම සදහා සහභාගි වන්නැයි තම කණ්ඩායමටද ආරාධනයක් ලැබී අැති බැවින් ඒකාබද්ධ විපක්ෂයට සහය දැක්වීම සම්බන්ධයෙන් වන අවසන් තීරණයකට එළඹීමේ අරමුණින් මෙම විශේෂ හමුව පවත්වන බව එම ආරංචි මාර්ග තවදුරටත් පවසා සිටියි.
