දුම්රිය දේපළ වලට හානි සිදුකරන්නට එරෙහිව දැඩි නීති..
දුම්රිය මැදිරි තුළදී එම දේපළ වලට හානි සිදුවන අන්දමින් විවිධ විනාශකාරී ක්රියාවන්හි නිරත වන පුද්ගලයින්ට එරෙහිව ඉදිරියේදී නීතිය දැඩිව ක්රියාත්මක කිරීමට මෙන්ම අදාළ අලාභය අයකරගැනීමට කටයුතු කරන බව ප්රවාහන අමාත්ය නිමල් සිරිපාලද සිල්වා මහතා අවධාරණය කර සිටියි. රජය විසින් අති විශාල මුදලක් වැයකරමින් ජනතාවට ලබා දෙන ලාභදායී ප්රවාහන සේවාවක් වන දුම්රිය සේවය රැකගැනීම ජනතාවගේද වගකීමක් හා යුතුකමක් වුවද ඇතැම් පිරිස් විසින් දුම්රිය දේපළ වලට හානි සිදුවන ආකාරයේ විනාශකාරී ක්රියාවන්හි නිරත වන බැවින් මෙම තීරණය ගත් බවද අමාත්යවරයා තවදුරටත් පවසා සිටියි. මේ සදහා අද (02) සිට ක්රියාත්මක වන පරිදි සිවිල් ඇදුමින් සැරසුනු දුම්රිය ආරක්ෂක නිළධාරීන් දුම්රිය මැදිරි වලට යොදවන බවද අමාත්යවරයා තවදුරටත් පවසා සිටියි.