රාජ්ය අමාත්ය විජයකලාගේ ප්රකාශය දැඩි පිළිකුලෙන් හෙළාදකිනවා – සිංහල රාවය සංවිධානය
එල්.ටී.ටී.ඊ. සංවිධානය යළි ගොඩනැගිය යුතු බවට ප්රකාශ කරමින් රාජ්ය අමාත්ය විජයකලා මහේෂ්වරන් මහත්මිය විසින් කරන ලද අදහස් දැක්වීම දැඩි පිළිකුලෙන් යුතුව හෙළාදකින බව සිංහල රාවය සංවිධානය අවධාරණය කර සිටියි. ඊයේ (02) යාපනයේදී පැවති උත්සවයකදී, රාජ්ය අමාත්ය විජයකලා මහේෂ්වරන් මහත්මිය විසින් මෙ අදහස් පළකරන ලද අතර මේ පිළිබදව ඉදිරියේදී පොලිස් මූලස්ථානයට පැමිණිල්ලක් සිදුකරන බවද සිංහල රාවය සංවිධානය තවදුරටත් පවසා සිටියි. එල්.ටී.ටී.ඊ සංවිධානය ක්රියාත්මකවූ කාලයේ වර්තමානයට වඩා වැඩි නිදහසක් රටතුළ පැවති බවද විජයකලා මහත්මිය මෙහිදී වැඩිදුරටත් පවසා ඇත. රාජ්ය අමාත්යවරියක විසින් සිදුකරන ලද මෙම ප්රකාශය පිළිබඳව ජනතාව දැඩි විමසිලිමත්ව කටයුතු කරනු ඇති බවද සිංහල රාවය සංවිධානය තවදුරටත් පවසා සිටියි.