රාජ්‍ය අමාත්‍ය විජයකලාගේ ප්‍රකාශය ගැන විමර්ශනය කරන්න, නීතිපතිට දැනුම් දෙන්න කථානායක තීරණය කරයි..
මහත් ආන්දෝලනයකට ලක්ව ඇති ළමා කටයුතු රාජ්‍ය අමාත්‍ය විජයකලා මහේශ්වරන් මහත්මිය විසින් සිදුකරන ලදැයි පැවසෙන ප්‍රකාශයෙන් ආණ්‌ඩුක්‍රම ව්‍යවස්‌ථාව හෝ පවතින නීතිමය තත්ත්වයන් උල්ලංඝනය වී ඇතිද යන්න විමර්ශනය කරන්නැයි නීතිපතිවරයාට දැනුම් දීමට කථානායක කරු ජයසූරිය මහතා තීරණය කර ඇත. කථානායක කරු ජයසූරිය මහතා විසින් ඊයේ (03) සවස මෙම තීරණය ගෙන තිබෙන අතර එල්.ටී.ටී.ඊ සංවිධානය නැවත ස්ථාපිත කළයුතු බව රාජ්‍ය අමාත්‍ය විජයකලා මහේශ්වරන් මහත්මිය පසුගියදා යාපනයේ පැවති උත්සවයකදී අවධාරණය කරන ලද අතර මේ සම්බන්ධයෙන් රටතුළ මේ වන විට දැවැන්ත කථාබහක් ඇතිවී තිබේ.
