බලයට පත්ව එක් පාලන කාලයක් තුළ වැඩිම ණයක් ලබාගෙන ඇත්තේ වත්මන් යහපාලන ආණ්ඩුවයි – ජාතික නිදහස් පෙරමුණ
රටේ ජනතාවට කිසිදු අයුරකින් දරාගත නොහැකි ලෙස වත්මන් ආණ්ඩුව විසින් ඔවුන් මත දැවැන්ත බදු බරක් පටවා ඇති බව ජාතික නිදහස් පෙරමුණ චෝදනා කර සිටියි. ඊයේ (12) කොළඹදී පැවති මාධ්‍ය හමුවකදී ජාතික නිදහස් පෙරමුණේ මාධ්‍ය ප්‍රකාශක මොහොමඩ් මුසම්මිල් මහතා විසින් මෙම අදහස් පළකරන ලදී. මෙරට ආණ්ඩුවක් බලයට පත්වීමෙන් පසු එක් පාලන කාලයක් තුළ වැඩිම ණය ප්‍රමාණයක් ලබාගෙන ඇත්තේ වත්මන් යහපාලන ආණ්ඩුව විසින් බවද මුසම්මිල් මහතා සිය අදහස් දක්වමින් වැඩිදුරටත් අනාවරණය කරන ලදී.
