ප්‍රතිකාර සදහා රට යන්න බැසිල්ට අවසර..
වෛද්‍ය ප්‍රතිකාර ලබා ගැනීම වෙනුවෙන් විදේශගත වීම සදහා හිටපු අමාත්‍ය බැසිල් රාජපක්ෂ මහතාට කොළඹ මහාධිකරණය විසින් අද (16) අවසර ලබාදී ඇති බව වාර්තා වේ. ඒ අනුව මාස තුනක කාලයක් අැමෙරිකා එක්සත් ජනපදයේ රැඳී සිටීමට බැසිල් රාජපක්ෂ මහතාට අවසර හිමිවී ඇත. ලබන අගෝස්තු මස 10 වැනි දා සිට නොවැම්බර් මස 10 වැනි දා තෙක් අැමෙරිකා එක්සත් ජනපදයේ රැඳී සිට වෛද්‍ය ප්‍රතිකාර ලබාගැනීමට තමන්ට අවසර ලබාදෙන්නැයි බැසිල් රාජපක්ෂ මහතා විසින් අධිකරණයෙන් කරන ලද ඉල්ලීම සලකා බලමින් කොළඹ මහාධිකරණය විසින් මෙම නියෝගය ලබාදී තිබේ. රජයේ මුදල් අවභාවිතා කළ බවට චෝදනා කරමින් පනවන ලද නඩුව හේතුවෙන් බැසිල් රාජපක්ෂ මහතාට විදෙස් ගතවීම තහනම් කරමින් කඩුවෙල මහේස්ත්‍රාත් අධිකරණය විසින් මීට පෙර නියෝගයක් ලබාදී ඇත.
