වැස්ස නිසා දක්ෂිණ අධිවේගයේ උපරිම වේගය පැයට කිලෝ මීටර් 60 යි..
දක්ෂිණ අධිවේගී මාර්ගයේ රිය ධාවනය කිරීමේදී එහි උපරිම වේගය ලෙස පැයට කිලෝමීටර් 60 ක සීමාවක් පැනවීමට අදාළ බලධාරීන් කටයුතු කර ඇති බව වාර්තා වේ. මේ දිනවල පවතින අධික වැසි සහිත කාලගුණ තත්ත්වය හේතුවෙන් ඇතිවිය හැකි අනතුරු අවම කරගැනීමේ අරමුණින් මෙම තීරණය ගෙන ඇතැයි එම ආරංචි මාර්ග පවසා සිටියි. නැවත දැනුම් දෙන තුරු මෙම වේග සීමාව පවත්වාගන්නැයි බලධාරීන් රියදුරන්ට වැඩිදුරටත් දැනුම් දී සිටියි.