විජයකලාගේ ප්රකාශය ගැන පරීක්ෂණ අවසන්, නීති උපදෙස් ගැනීමේ තීරණයක්..
කාන්තා හා ළමා කටයුතු පිළිබඳ හිටපු රාජ්ය අමාත්ය විජයකලා මහේෂ්වරන් මහත්මිය සම්බන්ධයෙන් කරන ලද පරීක්ෂණය මේ වන විට අවසන් බව සංවිධානාත්මක අපරාධ නිවාරණ කොට්ඨාසය පවසා සිටියි. ඒ අනුව එම පරීක්ෂණ සම්බන්ධයෙන් ඉදිරි ක්රියා මාර්ග ගැනීම සඳහා නීතිපති උපදෙස් ලබා ගැනීමට නියමිතව ඇති බවද සංවිධානාත්මක අපරාධ නිවාරණ කොට්ඨාසය තවදුරටත් අනාවරණය කර සිටියි. පසුගිය දා යාපනයේ පැවති රාජ්ය උත්සවයකදී හිටපු රාජ්ය අමාත්ය විජයකලා මහේෂ්වරන් මහත්මිය විසින් එල්.ටී.ටී.ඊ සංවිධානය යළි පිහිටුවිය යුතු බවට සිදුකරන ගද ප්රකාශය සම්බන්ධයෙන් මෙම පරීක්ෂණ කටයුතු සිදුකරන ලදී.