දකුණු අප්රිකානුවෝ යළිත් ජයපැන් බොයි..
ශ්රී ලංකා කණ්ඩායම සහ සංචාරක දකුණු අප්රිකානු පිල අතර තරග පහකින් සමන්විත එක්දින තරගාවලියේ ඊයේ (01) පැවති තරගයේ ජයග්රහණය ද තමන් සතුකරගැනීමට දකුණු අප්රිකා කණ්ඩායම සමත්විය. ඒ අනුව 2-0 ක් ලෙස තරගාවලියේ පෙරමුණ ගැනීමට දකුණු අප්රිකානු පිලට හැකිවිය. මුලින් පන්දුවට පහරදුන් ශ්රී ලංකා කණ්ඩායම සිය පන්දුවාර 50 අවසානයේ කඩුළු 08 ක් දැවී ලකුණු 244 ක් ලබාගත් අතර ඇන්ජලෝ මැතිව්ස් ලකුණු 79 ක් සහ නිරෝෂන් දික්වැල්ල ලකුණු 69 ක් ලබාගනිමින් ශ්රී ලංකා පිලට යම් අස්වැසිල්ලක් ලබාදෙන ලදී. ලකුණු 244 ක ඉලක්කයක් හඹාගිය දකුණු අප්රිකානු පිල පන්දුවාර 42.5 කදී කඩුළු 6 ක් පමණක් දැවී ලකුණු 246 ක් ලබගනිමින් සිය ජයග්රහණය තහවුරු කරගන්නා ලදී.