රෝහිත අබේගුණවර්ධනට රට යන්න අවසර..
පාර්ලිමේන්තු මන්ත්‍රී රෝහිත අබේගුණවර්ධන මහතාට විදේශගත වීම සඳහා කොළඹ මහාධිකරණය විසින් අවසර ලබාදී ඇති බව වාර්තා වේ. අයථා ආකාරයෙන් වත්කම් උපයා ගැනීම සම්බන්ධයෙන් චෝදනා එල්ල වීම නිසා රෝහිත අබේගුණවර්ධන මහතාගේ විදෙස් ගමන් තහනම් කිරීමට අධිකරණය විසින් නියෝග කර තිබූ අතර අදාළ නඩුව අද (03) කැදවන ලද අවස්ථාවේ කොළඹ මහාධිකරණය විසින් අදාළ අවසරය ලබාදී තිබේ. පෞද්ගලික අවශ්‍යතාවයක් සදහා තමන්ට විදෙස් ගතවීමට අවසර ලබාදෙන්නැයි රෝහිත අබේගුණවර්ධන මහතා විසින් සිය නීතිඥයින් මාර්ගයෙන් සිදුකරන ලද ඉල්ලීම සලකා බලමින් අධිකරණය අදාළ අවසරය ලබාදී ඇත.
