ස්වාධීනව කටයුතු කළ නොහැකිවීම නිසා ඉල්ලා අස්වූවා – ශ්‍රී ලංකා වෛද්‍ය සභාවේ හිටපු සභාපති මහාචාර්ය කොල්වින් ගුණරත්න
සිය තනතුරෙන් ඉලලා අස්වූයේ ස්වාධීනව කටයුතු කළ නොහැකිවීම නිසා බව ශ්‍රී ලංකා වෛද්‍ය සභාවේ සභාපති ධුරයෙන් පසුගියදා ඉල්ලා අස්වූ මහාචාර්ය කොල්වින් ගුණරත්න මහතා පවසා සිටියි. අදාළ ඉල්ලා අස්වීම සම්බන්ධයෙන් මාධ්‍ය වෙත කරුණු දැක්වීම සදහා ඊයේ (03) පවත්වන ලද මාධ්‍ය හමුවකදී මහාචාර්ය කොල්වින් ගුණරත්න මහතා විසින් එම අදහස් පළකරන ලදී. ශ්‍රී ලංකා වෛද්‍ය සභාවේ ව්‍යවස්‌ථාවේ සදහන් වන නෛතික කරුණුවල බලපෑම මත තමන්ට අදාළ තනතුරේ ස්වාධීනව කටයුතු කිරීමට නොහැකිවූ බවද හිටපු සභාපති මහාචාර්ය කොල්වින් ගුණරත්න මහතා තවදුරටත් පවසා සිටින ලදී.
