මාධ්‍යවේදී කීත් නොයාර් පැහැරගැනීම, ප්‍රකාශයක් ගන්න CID ය හිටපු ජනපතිගේ නිල නිවසට..
පැහැරගෙන යාමේ සිද්ධියක් සම්බන්ධයෙන් ප්‍රකාශයක් ලබාගැනීම සදහා ලබන 17 වනදා හිටපු ජනාධිපති මහින්ද රාජපක්ෂ මහතාගේ නිල නිවස වෙත පැමිණෙන බව අපරාධ පරීක්ෂණ දෙපාර්තමේන්තුව මහින්ද රාජපක්ෂ මහතාට දැනුම්දී ඇති බව වාර්තා වේ. මාධ්‍යවේදී කීත් නොයාර් මහතා පැහැරගෙන යාමේ සිද්ධිය සම්බන්ධයෙන් මෙම ප්‍රකාශය ලබාගැනීමට නියමිතව ඇති බවද එම ආරංචි මාර්ග තවදුරටත් පවසා සිටියි. මාධ්‍යවේදී කීත් නොයාර් මහතා 2008 වසරේ මැයි මස 22 වනදා පැහැරගැනීමට ලක්වූ අතර ඒ සම්බන්ධයෙන් හිටපු හමුදා බුද්ධි අංශ ප්‍රධානී මේජර් ජනරාල් අමල් කරුණාසේකර මහතා ඇතුළු සය දෙනෙකු අත්අඩංගුවට ගෙන පසුව ඇප මත මුදා හරින ලදී.
