වැසි තත්ත්වයේ වර්ධනයක්, ජලාශ කිහිපයක් වාන් දොරටු විවෘත කරයි..
මේ වන විට දිවයින තුළ ඇතිවී තිබෙන වැසි සහ සුළං තත්ත්වය අද (15) දිනය තුළ තවදුරටත් වර්ධනය වනු ඇති බව කාලගුණ විද්යා දෙපාර්තමේන්තුව අනාවරණය කර සිටියි. ඒ අනුව මධ්යම, සබරගමුව, බස්නාහිර සහ වයඹ පළාත්වලට මෙන්ම ගාල්ල හා මාතර යන දිස්ත්රික්කයන්හි ප්රදේශ කිහිපයකට වැසි ඇතිවිය හැකි බවද එම ආරංචි මාර්ග තවදුරටත් පවසා සිටියි. මේ වන විට මධ්යම කදුකරයට ඇදහැලෙන අධික වර්ෂාව හේතුවෙන් ලක්ෂපාන, කැනියොන්, නෝර්ට්න් බ්රිජ් සහ ඉහළ කොත්මලේ යන ප්රධාන ජලාශවල වාන් දොරටු විවෘත කර ඇති බව ආපදා කලමනාකරණ මධ්යස්ථානය පවසා සිටියි.