අනතුරට පත් ධීවරයින් 04 බේරගැනේ ..
මසුන් මැරීම සඳහා මුහුදු ගිය ධීවර යාත්රා 02 ක් පෙරළී යාමෙන් අතුරුදහන්වී සිටි ධීවරයින් 04 දෙනෙකුව වෙනත් ධීවරයින් පිරිසක් විසින් බේරා ගෙන විත් ප්රතිකාර සඳහා හලාවත මහා රෝහලට ඇතුළත් කර ඇත.රෝහල් ගත කර ඇත්තේ හලාවත – වට්ටක්කල්ලිය ප්රදේශයේ පදිංචි ධීවරයින් පිරිසක්වය.පසුගිය 18 වැනිදා අළුයම 2.00 ට පමණ මෙම ධීවරයින් පිරිස මසුන් මැරීම සඳහා හලාවත මෝය කටින් මුහුදට ගොස් ඇත.18 වැනිදා පෙරවරුව වන විට ඔවුන් අපාසු ගොඩ බිමට පැමිණ යුතු නමුත් සවස් වන තුරුම නොපැමිණීම හේතුවෙන් එම ධීවරයින්ගේ ඥාතීන් විසින් මේ බව හලාවත පොලීසියට දැණුම් දීමට කටයුතු කර ඇත.පෙරළී ගිය යාත්ර දෙකෙහි සිටි ධීවරයින්ව වෙනත් යාත්රාවක සිටි ධීවරයින් පිරිසක් විසින් බේරා ගෙන 18 වැනිදා රාත්රීයේ හලාවත ගොඩ බිමට ගෙනවිත් ඇත.පසුව ඔවුන්ව ප්රතිකාර සඳහා හලාවත මහා රෝහලට ඇතුළත් කර ඇත.මේ දිනවල බටහිර මුහුදු තීරයේ වාරකන් සමය වන අතර ඒ නිසා මුහුදු රළු වන බැවින් මුහුදු යාමෙන් වළකින ලෙස ආපදා කළමණාකරන ඒකකයද අනතුරු අගවා ඇත.නමුත් ඇතැම් ධීවරයින් එම අනතුරු ඇගවීම් නොතකා මසුන් මැරීම සදහා මුහුදු යාම නිසා මෙවැනි අනතුරු සිදුවන බව පොලීසිය පවසයි.