උතුරු මැද පළාතේ හෙද ගැටළු සදහා තවමත් විසදුම් නෑ – සමස්ත ලංකා හෙද සංගමය
අතිකාල දීමනා නිසි පරිදි ලබානොදීම සහ පුද්ගලික ලිපි ගොනු යාවත්කාලීන නොකිරීම නිසා උතුරු මැද පළාතේ හෙද හෙදියන් දැඩි ගැටළුකාරී තත්ත්වයකට මුහුණ දී ඇති බව සමස්ත ලංකා හෙද සංගමය අවධාරණය කර සිටියි. ඊයේ (19) කොළඹදී පැවිත මාධ්ය හමුවකදී සමස්ත ලංකා හෙද සංගමයේ වැඩ බලන සභාපති එස්.බී මැදිවත්ත මහතා විසින් මෙම අදහස් පළකරන ලදී. සිය අදහස් දක්වමින් මැදිවත්ත මහතා තවදුරටත් පවසා සිටියේ උතුරු මැද පළාතේ හෙද හෙදියන් මේ වන විට මුහුණ දී තිබෙන මෙම වෘත්තීය ගැටළුකාරී තත්ත්වයන් සදහා නිසි විසදුම් ලබාදීමට කඩිනමින් කටයුතු නොකළහොත් හෙට (21) දිනයේදී අසනීප නිවාඩු වාර්තා කිරීමට එම හෙද හෙදියන් කටයතු කරනු ඇති බවයි.