අන්තරේ විරෝධතාවයට අධිකරණයෙන් තහනම් නියෝගයක්..
සිය ගැටළු සම්බන්ධයෙන් විසදුම් ලබාදෙන්නැයි ඉල්ලා අන්තර් විශ්වවිද්‍යාලීය ශිෂ්‍ය බල මණ්ඩලය විසින් අද (21) පැවැත්වීමට කටයුතු යොදා තිබූ විරෝධතා ව්‍යාපාරයට එරෙහිව අධිකරණය විසින් තහනම් නියෝගයක් ලබාදී ඇති බව වාර්තා වේ. කොටුව පොලිස් ස්ථානය විසින් අධිකරණයට කරුණු දැක්වීමෙන් පසු මෙම නියෝගය ලබාදී තිබේ. මෙම විරෝධතාවය හේතුවෙන් මහජනතාවට හා රථවාහන ධාවනයට බාධා වන ලෙස මහා මාර්ගයේ ගමන් කිරීමෙන් වැළකිය යුතු බවත්, නීත්‍යානුකූලව සේවයේ නියුතුව සිටින පුද්ගලයින්ට බාධා වන ලෙස කාර්යාලවලට සාමය කඩවන ලෙස බලහත්කාරයෙන් ඇතුළුවීමෙන් වැළකිය යුතු බවත් මෙම නියෝගයේ සදහන්ව ඇත.
