අවුරුදු 35ට අඩු ත්‍රී රෝද රථ තහනම ඉවතට…
අවුරුදු 35ට අඩු ත්‍රී රෝද රථ රියදුරන්ට පනවා ඇති කුලී ගමන් තහනම අත්හිටුවීමට කැබිනට් මණ්ඩලය තීරණය කර ඇතැයි වර්තාවේ. ඊයේ (21) දින ජනාධිපති කාර්යාලයේ ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් පැවති රැස්වීමේදී මෙම තීරණය ගෙන ඇත. එහිදී මුදල් ඇමැති මංගල සමරවීර මහතා ඇතුළු ඇමැතිවරුන් කිහිපදෙනෙකු එම නීතිය ගෙන ඒමට විරෝධය පළ කිරීම නිසා නීතිය අත්හිටුවීමට තීරණය කර ඇත.
එහිදී අමාත්‍යවරයා සදහන් කර ඇත්තේ අවු 35 අඩු පුද්ගලයින්ට මෙම නීතිය පැනවීම නිසා තරුණයින් විවිධ රැකියාවල් සදහා යොමුවීමට කටයුතු කරන බවත් එයින් සමාජයේ විවිධ අපචාරයන් සිදුවීම වර්ධනය විය හැකි බවයි. එම නිසා කළ යුත්තේ ත්‍රීරෝද රථ රියදුරන්ට වයස සීමා පැනවීම නොවන බවත් ත්‍රීරෝද රථ ප්‍රමාණය සංඛ්‍යාත්මකව අඩු කිරීම යැයි ඇමැතිවරුන් කිහිපදෙනෙකු එහිදී පවසා ඇත.
