ජොන්ස්ටන් ප්‍රනාන්දු ඇතුළු තිදෙනකු රක්ෂිත බන්ධනාගාර ගත කරයි…
පසුගිය රජයේ වෙළඳ ඇමැති ලෙස කටයුතු කළ ජොන්ස්ටන් ප්‍රනාන්දු ඇතුළු තිදෙනකු නඩුව අසා නිමවනතුරු රක්ෂිත බන්ධනාගාර ගත කරන්නැයි කුරුණෑගල මහාධිකරණ විනිසුරු මේනකා විජේසුන්දර අද (03) නියෝග කර ඇත.ඒ සතොස ආයතනයේ මුදල් අවභාවිතා කළැයි චෝදනාවට අදාළවය. එම නඩුව අඛන්ඩව විභාගයට ගැනීමට කටයුතු කරන ලෙසත් ඒ දක්වා අදාළ පුද්ගලයින් රිමාන් භාරයේ තබන ලෙසත් විනිසුරුවරිය නියෝග කර ඇත. හිටපු වෙළඳ ඇමැති ජොන්ස්ටන් ප්‍රනාන්දු, පෞද්ගලික ලේකම් ලෙස කටයුතු කළ මොහොමඩ් ෂකීර් සහ සතොස සභාපති නලීන් ප්‍රනාන්දු යන තිදෙනා මෙලෙස රිමාන් භාරයේ රදවා ඇත.
